Հակառակորդը վերսկսել է
ակտիվ գործողությունները

Արցախի ՊԲ-ն հայտնում է, որ առավոտյան հարավային, հյուսիսային, հյուսիս-արեւելյան եւ արեւելյան ուղղություններով հակառակորդը վերսկսվել է հրթիռահրետանային ակտիվ կրակով ուղեկցվող գործողություններ: Թշնամին հատկապես ակտիվ է ճակատային գծի հյուսիս-արեւելյան հատվածում:

Արցախի նախագահի մամուլի խոսնակ Վահրամ Պողոսյանն ասում է, որ Ադրբեջանը վաղ առավոտից շարունակում է կոպտորեն խախտել հումանիտար հրադադարի ռեժիմը՝ հրետանային զինատեսակներից գնդակոծելով են նաեւ խաղաղ բնակավայրերը:

ՀՀ ՊՆ ներկայացուցիչ Արծրուն Հովհաննիսյանն ասում է, որ «այսօր հյուսիսում եղել է այս պատերազմի ամենաթեժ մարտերից մեկը, որի ընթացքում մեր ուժերը հետ են շպրտել թշնամուն՝ նրան պատճառելով էական կորուստներ»:

«Համատեղ ուժերով հերոսական մարտեր են մղել բանակը, պահեստազորն ու աշխարհազորը», - ասում է Արծրուն Հովհաննիսյանը: Նա նշում է, որ հակառակորդը որեւէ էական առաջխաղացում չունի նաեւ այլ ուղղություններով:

«14-15 օրվա ընթացքում հակառակորդի 3-4 բանակային կորպուսներ չեն կարողացել լուծել խնդիրներ, որոնք նախատեսված են 1 գնդի համար», - նշում է Արծրուն Հովհաննիսյանը:

Արցախի նախագահ Արայիկ Հարությունյանը հայտնում է, որ առաջիկա ժամերի եւ օրերի ընթացքում Պաշտպանության բանակը կհամալրվի պատերազմի եւ զինվորական արհեստավարժ ծառայության հարուստ փորձ ու գիտելիքներ ունեցող քաղաքացիներով:

Ասկերանի շրջանային ղեկավարության հետ քննարկմանը նա համոզմունք է հայտնում, որ «նրանց մասնակցությունն էականորեն նպաստելու է մարտի դաշտում իրականացվող մեր զորքերի գործողությունների արդյունավետության բարձրացմանը»:

Միջնորդները «աղետալի
հետեւանքները»
կանխելու կոչ են անում

ԵԱՀԿ Մինսկի խմբի համանախագահները Ադրբեջանի նախագահին եւ Հայաստանի վարչապետին կոչ են անում «անհապաղ քայլեր ձեռնարկել հոկտեմբերի 10-ի Մոսկվայի հայտարարությամբ կողմերի ստանձնած պարտավորությունների ամբողջական կատարման համար՝ տարածաշրջանի համար աղետալի հետեւանքները կանխելու նպատակով»:

Զոհրաբ Մնացականյանը հանդիպում է միջնորդներին

Հայաստանի արտաքին գործերի նախարարը Զոհրաբ Մնացականյանը Մոսկվայում հանդիպում է համանախագահների հետ: Նա նշում է, որ «չնայած հոկտեմբերի 10-ին կրակի դադարեցման վերաբերյալ նախարարական մակարդակով համատեղ հայտարարությանը՝ Ադրբեջանը մինչ օրս չի կատարում իր հանձնառությունը եւ շարունակում է լայնածավալ ռազմական գործողությունները, քաղաքացիական բնակչության եւ ենթակառուցվածքների դիտավորյալ թիրախավորումը»։

Շոյգուն մտահոգված է

Ռուսաստանի պաշտպանության նախարարությունը հայտնում է, որ «ակտիվ մասնակցություն է ունենում Լեռնային Ղարաբաղի հակամարտության կայունացման գործում»:

Սերգեյ Շոյգուն

«Ռուսաստանի պաշտպանության նախարարության հատուկ մտահոգության առարկա է Մերձավոր Արևելքից Լեռնային Ղարաբաղի հակամարտության գոտի ահաբեկչական խմբավորումների զինյալներին տեղափոխման մասին ստացվող տեղեկատվությունը», - նշում են ՌԴ ռազմական գերատեսչությունում: Այստեղ հավելում են, որ այդ մտահոգությունը Ռուսաստանի պաշտպանության նախարար Սերգեյ Շոյգուն արտահայտել է Թուրքիայի ռազմական գերատեսչության ղեկավար Հուլուսի Աքարի հետ կայացած հեռախոսազրույցում:

Պոմպեոն կոչ է անում

ԱՄՆ պետքարտուղար Մայք Պոմպեոն Հայաստանին եւ Ադրբեջանին կոչ է անում իրագործել հրադադարի պարտավորությունները:

Մայք Պոմպեոն

«Միացյալ Նահանգները Հայաստանին եւ Ադրբեջանին կոչ են անում իրագործել հրադադարի պարտավորությունները եւ դադարեցնել թիրախավորել քաղաքացիական բնակավայրերը՝ ինչպիսին են Գյանջան եւ Ստեփանակերտը: Մենք դատապարտում ենք մարդկային կորուստները եւ հավատարիմ ենք մնում խաղաղ կարգավորմանը», - ասում է Պոմպեոն:

«ԵՄ եւ ՆԱՏՕ-ի ձայները
բավականաչափ լսելի չեն»

Հայաստանի նախագահ Արմեն Սարգսյանն ասում է, որ «ՆԱՏՕ-ի ձայնը լսելի չէ, բավականաչափ լսելի չէ նաեւ Եվրամիության ձայնը»:

«Ֆրանսիան ԵԱՀԿ Մինսկի խմբի համանախագահությունում ներկայացնում է Եվրոպան, բայց մենք ավելի շատ լսում ենք միայն Ֆրանսիայի, քան Եվրոպայի ձայնը»,- ասում է Հայաստանի նախագահը՝ եվրոպացի մի խումբ լրագրողների հետ հանդիպմանը։

Արմեն Սարգսյանը հանդիպում է եվրոպացի լրագրողների հետ

Խոսելով պատերազմում Թուրքիայի դերակատարության մասին, Արմեն Սարգսյանը նշում է.

Ձեւավորումը՝ Աննա Աբրահամյանի, Թամար Դանիելյանի
Էջադրումը՝ Աննա Ալավերդյանի, Աննա Կրուտակովայի
Նախագծի պրոդյուսեր՝ Արա Թադեւոսյան

Այս գլխում օգտագործվել են Reuters-ի լուսանկարները: